സ്നേഹനക്ഷത്രം

 

 

   അതിവിദൂരതയിൽ  നിന്നൊരു   നക്ഷത്രം

   എന്നെ നോക്കിനില്ക്കുന്നു .

  മഞ്ഞിൻ തിരശ്ശില മാറ്റാതെ -രാവിൻറെ

   മൌന സംഗീതം പോല,

 കണ്ണു നീരോട്ടുമൊഴുക്കാതെ-ഒരു   തേങ്ങൽ

ഉള്ളിലൊതുക്കുo പോലെ

ഒരു നെടുവീർപ്പിന്റെ ചൂടുമായ്  തെന്നൽ

എന്നെ  തലോടിക്കടന്നുപോയി .

 എന്തോ പറയുവാനുള്ളതു പോലെ

യാത്രാനുവാദത്തിനെന്ന പോലെ


ഭുമിയിൽ നിന്നും മറയുമാത്മാവുകൾ                           

മാനത്തു താരകമാകുമത്രേ                                                 

എന്നെ പിരിഞ്ഞോരെൻ തോഴനാകാം

ഇന്നും മറക്കാതെ വന്നുനിൽപൂ

എന്റെ ഏകാന്തമാം ഈ യാത്ര കാണുവാൻ

മൂകവേദനയോടെ നില്ക്കയല്ലേ

സ്നേഹനക്ഷത്രമേ  നിൻ  നന്മയാണെൻറെ

കൈവിളക്കെന്നും,  നീ മറയരുതേ.