സ്നേഹനക്ഷത്രം

 

 

   അതിവിദൂരതയിൽ  നിന്നൊരു   നക്ഷത്രം

   എന്നെ നോക്കിനില്ക്കുന്നു .

  മഞ്ഞിൻ തിരശ്ശില മാറ്റാതെ -രാവിൻറെ

   മൌന സംഗീതം പോല,

 കണ്ണു നീരോട്ടുമൊഴുക്കാതെ-ഒരു   തേങ്ങൽ

ഉള്ളിലൊതുക്കുo പോലെ

ഒരു നെടുവീർപ്പിന്റെ ചൂടുമായ്  തെന്നൽ

എന്നെ  തലോടിക്കടന്നുപോയി .

 എന്തോ പറയുവാനുള്ളതു പോലെ

യാത്രാനുവാദത്തിനെന്ന പോലെ


ഭുമിയിൽ നിന്നും മറയുമാത്മാവുകൾ                           

മാനത്തു താരകമാകുമത്രേ                                                 

എന്നെ പിരിഞ്ഞോരെൻ തോഴനാകാം

ഇന്നും മറക്കാതെ വന്നുനിൽപൂ

എന്റെ ഏകാന്തമാം ഈ യാത്ര കാണുവാൻ

മൂകവേദനയോടെ നില്ക്കയല്ലേ

സ്നേഹനക്ഷത്രമേ  നിൻ  നന്മയാണെൻറെ

കൈവിളക്കെന്നും,  നീ മറയരുതേ.



 

കായത്തൊലി ചട്ണി

  പഴങ്ങളുടെയും  പച്ചക്കറികളുടെയും തൊലിയിൽ ധാരാളം 

വിറ്റാമിനുകളും മിനറലുകളും അടങ്ങിയിരിക്കുന്നു .രാസവളങ്ങൾ 

ഉപയോഗിച്ചുളള  കൃഷി രീതി ആയതിനാൽ  നന്നായി  കഴുകി  പാചകം

 ചെയ്യണം.നമ്മുടെ നാട്ടിൽ    സുലഭമായ  കറിക്കായ (മൊന്തൻ ,പേയൻ )യുടെ

തോലികൊണ്ട് ഒരു ചട്ണിയാണ് ഇന്നത്തെ പോസ്റ്റിൽ .മകളുടെ വീട്ടിൽ

പണിക്കു വരുന്ന  ബീഹാറിസ്ത്രീയാണ്  ഇത്  ഉണ്ടാക്കിയത് .


ചേരുവകൾ:-1)കായത്തൊലി -2 കായയുടെത് (ദശയോട് കൂടി )

                           
                          2)വെളുത്തുള്ളി -3-4 ചുള ,ചുട്ടു തൊലി മാറ്റിയത്
           
                          3)പച്ചമാങ്ങ -1 / 2
                  
                          4)മുളക് -3 ,ചുട്ടത്

                          5) ഉപ്പ്
                                                                

കായത്തൊലി  നികക്കെ വെള്ളം

 ഒഴിച്ചു  വേവിക്കുക .വെന്ത കായ

ത്തൊലി  വെള്ളത്തിൽ നിന്നും മാറ്റി

മറ്റു ചേരുവകളുടെ കൂടെ  അരയ്ക്കുക .

കുറച്ച് വെളിച്ചെണ്ണ ചേർത്ത് ഇളക്കുക.‌ 

കുറിപ്പ് :-പച്ചമാങ്ങക്ക് പകരം തക്കാളി

(ചുട്ട്  തൊലി മാറ്റി ).മാങ്ങാ അച്ചാറോ 

ചേർക്കാവുന്നതാണ് .

കൊത്തമല്ലിയില  ചേർത്തരച്ചാൽ  സ്വാദ്

കൂടും .

DON'T QUIT

                                      മലയാളം  ബ്ലോഗിൽ  ഒരു  ഇംഗ്ലീഷ് പോസ്റ്റ്‌! എന്റെ

 ജീവിതത്തെ  വളരെ  സ്വാധീനിച്ചിട്ടുള്ള  വരികളാണ്  ഇവ . അജ്ഞാതനായ

ഏതോ  കവിയുടെ  ശ്രേഷ്ഠ  ചിന്തകളാണ്  ഈ  കവിത.



                                                           DON'T QUIT

                           When things go wrong, as they sometimes will,

                           When the road you are treading seems all uphill,

                           When the funds are low and the debts are high,
                
                            And you want  to smile but you have to sigh.


                            When care is pressing you down a bit,

                            Rest if you must, but don't you quit,

                            Life is queer with its twists and turns,

                            As every one of us sometimes learns.


                            And many a person turns about

                            When they might have won had they stuck it out,

                             Don't give up though the pace seems slow,

                             You may succeed with another blow.


                             Often the struggle has given up

                             When he might have captured the victor's cup,

                              And he learned too late when the night came down,

                               How close was he to the golden crown.

                        
                              Success is failure turned inside out:

                              So stick to the fight when you are hardest hit,

                              It's when things seem worst that you must not quit.
                           
                                                                                                               (anonymous)

                       

പോണ്ടി അവിയൽ

ചക്കയുടെ  ഔഷധഗുണങ്ങളെ പറ്റി ധാരാളം

കേൾക്കുന്നുണ്ട്  .ചക്കയുടെ എല്ലാ ഭാഗങ്ങളും                            

ഉപയോഗപ്രദമാണ് .വൈനും ,ജാമും സൂപ്പും ചക്കകൊണ്ട്

ഉണ്ടാക്കാം .ചക്കകുരുവുംമടലും ചകിണിയും കൊണ്ട്  വ്യത്യസ്ത  

വിഭവങ്ങൾ ഒരുക്കാം.ചക്കക്കുരുവിന്റെ    പാട കൊണ്ടുള്ള ഒരു

വിഭവമാണ് ഈ  പോസ്റ്റിൽ .ചില    സ്ഥലങ്ങളിൽ  ചക്കക്കുരുവിന്റെ

പുറത്തുള്ള ഈ പാടയ്‌ ക്ക്  പോണ്ടി  എന്നാണ്  പറയുന്നത് .


                                                                                                                                 പോണ്ടി  അവിയൽ                                              
 

                         പോണ്ടി -1 കപ്പ് (2  ദിവസം  ഉപ്പു വെള്ളത്തിൽ മുക്കി വെച്ചത്) 


                         ചക്കക്കുരു -1/ 2 കപ്പ് 


                         പച്ച മാങ്ങ -പകുതി 


                          തേങ്ങ -1/ 2   മുറി                                              
                           

                          പച്ചമുളക് -1 


                           ജീരകം -1 tsp


                           വെളിച്ചെണ്ണ  - 1tsp


                           കറിവേപ്പില -1 കതിർപ്പ് 


                 പോണ്ടി ഉപ്പു വെള്ളത്തിൽ  നിന്നും ഊറ്റി ,ചക്കക്കുരുവും കുടി

ഉപ്പും മഞ്ഞളും ഇട്ട് വേവിക്കുക .വെന്തു കഴിഞ്ഞു  മാങ്ങ ചേർത്ത് നന്നായി

വേവിക്കുക .ജീരകവും തേങ്ങയും പച്ചമുളകും ചേർത്തരച്ചു  ചേര്ക്കുക.

കറിവേപ്പിലയും പച്ചവെളിച്ചെണ്ണയും ചേർത്ത് വാങ്ങാം .

ഫ്ലാക്സ് സീഡ്സ് ചട്ണി

                         ഫ്ലാക്സ്  സീഡ്  ചട്ണി

                     സസ്യഭുക്കുകള്‍ക്ക്‌ ഒമേഗ 3ഫാറ്റി ആസിഡിന്റെ നല്ല  ഒരു സ്രോതസ്സാണ്


ഫ്ലാക്സ് സീഡ്സ് . ഹൃദയാരോഗ്യത്തിനും ഓര്മ ശക്തിക്കും നല്ലതാണു ഒമേഗ-3.


ഫ്ലാക്സ് സീഡ്സ് വറുത്തു വേണം കഴിക്കാന്‍ .ഒരു  നല്ല അയല്‍ക്കാരിയില്


നിന്നും കിട്ടിയ പാചകക്കുറിപ്പാണ് ഈ പോസ്റ്റില്‍ .‍

                                                                                                                  ‌
                            ചേരുവകള്‍:-                         ‍

                           1)ഫ്ലാക്സ് സീഡ്സ് -1കപ്പ്‌

                           2)നിലക്കടല (തൊലികളഞ്ഞ് )-1 കപ്പ്‌

                           3)എള്ള്                        -1കപ്പ്

                           4)വെളുത്തുള്ളി        -1 (മുഴുവന്‍ )

                           5)പുളി                           -1നെല്ലിക്ക വലുപ്പത്തില്‍

                           6)ചുവന്ന  മുളക്       --3

                           7)പിരിയന്‍ മുളക്     -2
                          
                           8)ഉപ്പ്        ‌                       -പാകത്തിന്

                   1,2,3ഉം ചേരുവകള് ‍വെവ്വേറെ എണ്ണയില്ലാതെവറുത്തെടുക്കുക .വെളുത്തുള്ളി

  തൊലിയോടെതന്നെ  ചൂടാക്കുക.(മൈക്രോവേവിലാണെങ്കില്‍  30 സെക്കന്റ്‌

  മതി.)തൊലി കളഞ്ഞ വെളുത്തുള്ളിയും മറ്റു ചേരുവകളും ചേര്‍ത്ത്

 പൊടിക്കുക .(ഗ്ലാസ്‌) കുപ്പിയില്‍ കാറ്റു കടക്കാതെ സൂക്ഷിക്കാം  .ചോറിനും

 ചപ്പാത്തിയ്ക്കും മാത്രമല്ല  ഇഡ്ഡലിയ്ക്കും കൂട്ടാന്‍ കൊള്ളാം .

കുറിപ്പ് :-ട്രൈ ഗ്ലിസറൈഡ്സ്  കുടുതലുള്ളവര്‍ നിലക്കടല 1/2 കപ്പ്‌ എടുത്താല്‍

                                                                                                                                                                                                                                                                                                  മതിയാകും.

                  ഫ്രിഡ്ജില്  1 മാസത്തോളം  കേടാകാതെ വയ്ക്കാം .

                                                                        



 

ഗ്രീന്‍ ആപ്പിള്‍ റെസിപിസ്

                                                      

                                                             ഗ്രീന്‍ ആപ്പിള്‍ ചട്ണി

                                                       
                                     ഗ്രീന്‍ആപ്പിളിന്റെ  സ്വാദ്പലര്‍ക്കും  ഇഷ്ടപ്പെടില്ല  .ചട്ണി



ഉണ്ടാക്കിയാല്‍  നല്ല    രുചിയുണ്ട് . അതിന്റെ റെസിപി  താഴെ കൊടുക്കുന്നു.

  ചേരുവകള്‍ :- 

 

                               1)തേങ്ങ -1/2 മുറി    

 

                               2)  ഗ്രീന്‍ ആപ്പിള്‍ :-1/2

 

                                3)പച്ചമുളക്‌:-2                                  

 

                               4)  ഉപ്പ് :-പാകത്തിന്

 

                               5)കറിവേപ്പില :-1 കതിര്‍പ്പ് 

 

                               6)വെള്ളം :-1/4 കപ്പ്‌ 



                 

    

1മുതല്‍4 വരെയുള്ള ചേരുവകള്‍ നന്നായി  അരയ്ക്കുക .കറിവേപ്പില ചേര്‍ത്ത് 

 

   ഒന്നുംകൂടി അരയ്ക്കുക .വെള്ളം ചേര്‍ത്ത് ഇളക്കി  ഉപയോഗിക്കാം . ഉഴുന്നു

പരിപ്പും  കടുകും  മുളകും   കൂടി  വറുത്തിടുകയുമാകാം .

 

                           ഇന്‍സ്റ്റന്റ് ഗ്രീന്‍ ആപ്പിള്‍  അച്ചാര്‍

  ഒരു ബന്ധുവിന്റെ  വീട്ടില്‌ നിന്നാണ് ഈ  അച്ചാര്‍ കഴിച്ചത് .

 

       

ചേരുവകള്‍ :-

 

1. ഗ്രീന്‍ ആപ്പിള്‍ -1 
2. മുളക് പൊടി -2tbsp 
3. കായപ്പൊടി :-1/2 tsp
4. ഉലുവാപ്പൊടി:-1നുള്ള്,

     5) ഉപ്പ് :-പാകത്തിന്                              

                       ആപ്പിള്‍  ചെറുതായി അരിയുക.എല്ലാ  ചേരുവകളും ചേര്‍ത്തിളക്കി 

 

യോജിപ്പിക്കുക .ഉടന്‍ തന്നെ ഉപയോഗിക്കാവുന്നതാണ് . 

പാലക് കറി

ഞാന്‍   ഒരു പാചക വിദഗ്ദ്ധയല്ലെങ്കിലും  പുതിയ പാചകക്കുറിപ്പുകള്‍

പരീക്ഷിക്കാനുംകൂട്ടുകാര്‌ക്ക് വിരുന്നൊരുക്കാനും താല്പര്യമുള്ള 

ആളാണ്.    ഷോപ്പിംഗിനിടയിലാണ്  ഒരു കൂട്ടുകാരിയോടൊപ്പം

 ഫുഡ്‌ കോര്‍ട്ടില്   കയറിയത് .നീര്ദോശയോടൊപ്പം തന്നിരുന്ന കറി ഞങ്ങള്‍ക്ക്

ഇഷ്ടമായി   .ഷോപ്പിംഗ്‌ന്  പോകുന്പോള് രുചികരമായ ഈ  വിഭവം

 ആസ്വദിക്കുക  ഒരു പതിവായി .വളരെ  തിരഞ്ഞിട്ടും  പാചകക്കുറിപ്പ് 

കിട്ടാത്തതിനാല്  സ്വയം  അപഗ്രഥിച്ചും പരീക്ഷിച്ചും  ഒറിജിനലിനോട് 

ഏതാണ്ട്  അടുത്തുനില്‍ക്കുന്ന  ഈ    വിഭവം കണ്ടെത്തി .    ‍      


                                    പാലക് കറി   (കേരളാ  സ്റ്റൈല് )


ചേരുവകള്‍:-1)പാലക് -1കെട്ട്
            
                           2)പച്ചക്കൊത്തമല്ലി -പാലക്കിന്റെ 1/3(optional)

                           3)തേങ്ങ -1/2കപ്പ്‌
                          
                           4)പച്ചമുളക് -2

                           5)  വെളുത്തുള്ളി - ഇഞ്ചി  പേസ്റ്റ് -1 1/2 tsp

                           6) പച്ചക്കറികള്‍ -

(ബീന്‍സ്‌ ,കാരറ്റ് ,ക്വാളിഫ്ലവര്,കാപ്സികം ,ബേബികോണ്,മഷ്രൂം ,ഉരുളക്കിഴങ്ങ്,

ഗ്രീന് പീസ് )  കഴുകി   അരിഞ്ഞത് -11/2കപ്പ്

     7)പനീര്‍ -1/4 കപ്പ്‌ (തിളയ്ക്കുന്ന  വെള്ളത്തില്‍ ഇട്ട് 4-5  മിനിറ്റ് കഴിഞ്ഞ്

                                                                                                          അരിച്ചെടുത്തത് )      
                                                
                                      
                           8)സവാള -1 വലുത്(ചെറുതായി അരിഞ്ഞത് )

                           9)തക്കാളി -2 ഇടത്തരം  (  അരിഞ്ഞത് )
            
                           10)കറിവേപ്പില -2തണ്ട്
                        
                           11)വെളിച്ചെണ്ണ -1tsp +1/2tsp
                           
                           12)ഉപ്പ് ----പാകത്തിന്                           

മസാലകള്:-1)മല്ലിപ്പൊടി -1tsp

                        2)മുളകുപൊടി -1tsp‍
                      
                        3)ഗരം മസാല -1/2tsp            

 ഒരുപാത്രത്തില്‍ 3/4ഭാഗം വെള്ളം  1tsp ഉപ്പു ചേര്‍ത്തു  തിളപ്പിക്കുക.ഇതിലേക്ക്

കഴുകി   വൃത്തിയാക്കിയ പാലക് ഇല ഇട്ട് തീ അണയ്ക്കുക.പാത്രം അടച്ച്‌ 3-4

മിനിറ്റ്കഴിഞ്ഞ്  ഒരു അരിപ്പയില്‍ എടുത്തു തണുത്തവെള്ളം ഒഴിച്ച്  കഴുകുക.ആറിയതിനു    
ശേഷം 2,3,4 ചേരുവകള്‍ ചേര്‍ത്തു അരയ്ക്കുക .


പാചകം ചെയ്യുന്ന വിധം :-ചുവടുകട്ടിയുള്ള  ഒരു പാത്രത്തില്‍

എണ്ണ   ചൂടാക്കുക .കറിവേപ്പില

 ചേര്‍ത്ത് വാടാന്‍ തുടങ്ങുന്പോള്‍

 സവാള  ചേര്‍ത്ത് വഴറ്റുക. ( ബ്രൌണ്‍ നിറം ആകേണ്ട ). ഇതിലേക്ക്  വെളുത്തുള്ളി-ഇഞ്ചി  പേസ്റ്റ്

ചേര്‍ത്ത്  പച്ച മണം  പോകുന്നത് വരെ ഇളക്കുക .തക്കാളി  ചേര്‍ത്ത്  വീണ്ടും  

വഴറ്റുക. തക്കാളി ഉടഞ്ഞു പോകാതെ ശ്രദ്ധിക്കണം.ഇതില്‍  മസാലകളും ഉപ്പും 

ചേര്‍ത്ത് 2 മിനിറ്റ് ഇളക്കാം .‍   

പച്ചക്കറികളും    1  കപ്പ്‌ വെള്ളവും ചേര്‍ത്ത് ചെറു തീയില്‍ അടച്ചു വേവിക്കണം.

(പച്ചക്കറികള്‍  മൈക്രോവേവില്  വേവിച്ചെടുക്കാം )‍.വെന്തതിനു ശേഷം  

അരച്ചുവചിരിക്കുന്ന  പാലക് ചേര്‍ത്ത് 

നന്നായി   ഇളക്കുക.പനീര്‍  കഷണങ്ങള്‍  ചേര്‍ത്ത് 

യോജിപ്പിക്കുക .ഇടത്തരം അയവില്‍    വാങ്ങി  ,1/2 tsp വെളിച്ചെണ്ണ ഒഴിക്കുക .1

കതിര്‍പ്പ്  കറിവേപ്പിലയും  ചേര്‍ത്ത്  ഉപയോഗിക്കാം .

കുറിപ്പ് :-1)കൊത്തമല്ലിയിലയുടെ  സ്വാദ് ഇഷ്ടമില്ലാത്തവര്‍ക്ക്  അതില്ലാതെയും

                        ഉണ്ടാക്കാം .

                   2)പച്ചക്കറി എല്ലാം കിട്ടിയില്ലെങ്കിലും ഇത് ഉണ്ടാക്കാവുന്നതാണ് .

                   3)ചോറിനും  ചപ്പാത്തിക്കും  പറ്റിയ  കൂട്ടാനാണ്.

ഒരു പ്രാര്‍ത്ഥന

നിറമാല  മാനത്തു  തെളിയുന്നപോലെ

മനസ്സില്‍ നീ നിറയേണം ഗുരുവായുരപ്പാ

കളഭാഭിഷേകമേറ്റോരവിടുത്തെപ്പോലെന്

മനസ്സു കുളിര്‍ക്കേണം  ഗുരുവായുരപ്പാ

കാല്‍ത്തള, കിങ്ങിണി കിലുക്കികൊണ്ടെന്റെ

കൈപിടിച്ചെന്നും നടത്തിടുകെന്നെ                                              

ഒരു മാത്രയെങ്കിലും  സ്വപ്നത്തിലെങ്കിലും

തിരുമുഖം കാണുവാന്‍ തിരുവുള്ളംവേണം

എന്‍ ചിന്തകള്‍ നിന്‍ പുഷ്പാഞ്ജലിക്കുള്ള

പൂക്കളായ് തീരണമേന്നോമല്‍ കണ്ണാ

 എന്നില്നിന്നുതിരുന്ന  വാക്കുകളെല്ലാം

ഭഗവാന്റെ കീര്‍ത്തനമായി  മാറേണം

എന്‍ പാദചലനങ്ങള് നിന്‍ പ്രദക്ഷണങ്ങള്‍

എന്‍  കൈ‍യിളകുന്നു നിന്‍  പൂജക്കായി  

എന്‍ ജീവിതമൊരു   പ്രാര്‍ത്ഥനയായ്  മാറാന്‍

വരമരുളുക  നീ   ഗുരുവായുരപ്പാ  !